O Concello de Ribadeo lanza a campaña “Pancha de Ribadeo, a nosa moeda local“ que busca dinamizar a economía local e dar liquidez aos pequenos establecementos da nosa vila; e visibilizar o poder do consumo local na transformación dos lugares nos que vivimos.

Para elo, edítanse 3.700 packs de moedas locais, indivisibles e iguais. Os packs constarán de 4 billetes, distribuídos do seguinte xeito, que permitirán facer compras mínimas desde 5€ nos establecementos adheridos á campaña.  Hai que ter en conta que 1€ = 1 Pancha (PCH).

A campaña terá unha duración de case 2 MESES, entre os días 9 de outubro  e 1 de decembro.

30€ = 40€/PCH distribuídos en:

A MAXIA DE CONSUMIR NO LOCAL

É o momento, apostemos por consumir no local

Quérese, con este proxecto, VISIBILIZAR e SENSIBILIZAR a potencia do consumo en clave local para o desenvolvemento sustentable e pervivencia da vida de Ribadeo, especialmente importante no momento que estamos a vivir.

Se cada persoa de Ribadeo consumise 5 euros á semana nos establecementos locais pequenos,  significaría como mínimo de 2.500.000€ anuais, o que se traduciría en máis traballos, máis serivzos e máis calidade de vida, aí está a MAXIA DE CONSUMIR LOCAL.  

De aí que este proxecto estará acompañado dunha campaña de consumo local, chamada A MAXIA DO LOCAL.

COMO FUNCIONA A NOSA PANCHA:

  • Poñeranse en marcha 3.700 bonos/packs en forma de moeda local. O custe de adquisición de cada bono será de 30€ e dará á persoa portadora do mesmo un valor de 40€/Panchas (PCH) para o seu consumo exclusivo nos establecementos adheridos a campaña entre os días 9 de outubro ao 1 de decembro de 2020.
  • Hai que ter en conta que 1€ = 1 Pancha (PCH).
  • Poderanse adquirir un máximo de 3 bonos por persoa, acreditado con DNI orixinal, NIE ou documento acreditativo equivalente. Cada persoa poderá levar como máximo 4 D.N.I. (incluído o propio) orixinais de persoas distintas.
  • Só poderán adquirir bonos as persoas maiores de idade.
  • Poderanse acumular un máximo de 2 bonos por compra. Isto é: cada comercio só poderá admitir 80 Panchas por compra. Se o importe da compra é maior, o resto deberá ser aboado en euros.
  • A moeda local non é canxeable por diñeiro en efectivo e non se devolverá o importe das mesmas en ningún caso. De producirse unha devolución dun produto mercado con moeda local, o establecemento emitirá un vale polo importe íntegro da compra.
  • Cada moeda local terá un único uso. Se o importe da compra é inferior ao importe da Pancha, non se devolverá o cambio en efectivo.
  • Os packs de moeda local poderán adquirise desde o venres 9 de outubro até fin de existencias nas oficias de ABANCA de Ribadeo, en horario de 08:15 h. a 14:15 h. de luns a venres.
  • As persoas que adquiran a moeda local poderán utilizalas entre o venres 9 de outubro e o martes 1 de decembro, ambos inclusive, nos establecementos adheridos á campaña. Os establecementos estarán debidamente identificados. Transcorrido este prazo, as moedas locais perderán a súa validez como medio de pago.
  • Os establecementos que desexen participar terán que adherirse á campaña, sexan ou non de Acisa, entre o 23 de setembro e o 5 de outubro. Para elo deberán cumprir os requisitos esixidos nas bases para adherirse e presentar a documentación que se indica nas mesmas. Consultar as BASES.